Lungsod ng Gen. Trias – Simula noong mapasailalim ang malaking bahagi ng Luzon sa lockdown at quarantine, ang Pamahalaang Panglungsod ay hindi na tumigil sa pag-aabot ng tulong sa mga mamamayang Gentriseño. At ngayon, makalipas ang humigit-kumulang na pitong buwan ay patuloy pa rin ang pamamahagi ng tulong sa ating mga kababayan.
Ang mga kawani ng Pamahalaang Barangay, gayundin ang mga bumubuo sa mga Home Owners Associations ay binahagian ng mga Personal Protective Equipment tulad ng face masks at face shields ng bilang bahagi parin ng kampanya laban sa COVID-19.
Maging ang mga samahan Persons with Disability (PWD) sa bawat Barangay ay napagkalooban din ng ng mga face shields. Bukod dito inihatid din sa kanila ang donasyong Vitamin C syrup mula San Marino Laboratories na ipapamahagi naman sa mga batang PWD.
Tumanggap din ang mga Persons Deprived of Liberty sa General Trias City Jail ng mga vitamins at antibacterial soaps mula sa Pamahalaang Lungsod, gayundin ng mga banig, kumot at tuwalya mula naman sa General Trias Water Corporation.
At upang masuportahan ang sektor ng agrikultura ngayong panahon ng pandemya, nakipagtulungan ang Office of the City Mayor sa Dyban Farms and Vegetable Supplies ng Mankayan, Benguet para makapag-angkat ng mahigit 16,000 kilos na mga gulay na ipinamahagi sa iba’t-ibang women’s group ng lungsod. Ipinamahagi din ang mga gulay sa mga front liners ng bawat Pamahalaang Barangay. Ang pakikipag-ugnayang ito ay malaking tulong para sa mga kababayan nating magsasaka sa Benguet na kasalukuyang nakakaranas ng oversupply ng kanilang produkto.
Follow
