Bilang pagtugon sa patuloy na pag-usad ng teknolohiya at makaagapay sa mga pagbabagong hatid nito, ang mga mamamayan na magtutungo sa General Trias City Hall ay makakagamit na ng libreng WiFi sa loob ng 30 minuto. Ito ay matapos malagdaan ang isang kasunduan sa pagitan ng Pamahalaang Lungsod ng General Trias at Smart Communications.
Ang sinumang nagnanais makagamit ng libreng WiFi ay kailangang lamang mag-connect sa # SmartWifi@GenTrias at pagkatapos ay illagay ang numero ng telepono. Wala ng password pa na kailangan; agad na magagamit ang WiFi. Ito ay malaking tulong lalo na sa panahon ngayon na ang mga transaksyon ay maaari ng gawin online, gayundin ang mga dokumento na digital na.
Ang proyektong ito ay naisakatuparan sa pakikipagtulungan ng Pamahalaang Panlunsod, sa pangunguna ni Mayor Antonio “Ony” A. Ferrer, Smart WiFi at PLDT Enterprise.
Follow
